نفت الفنانة ميرهان حسين علمها بتفاصيل مقلب “رامز جاب من الآخر” قبل الوقوع فيه، ولكنها أكدت علمها مسبقا بتواجدها مع رامز جلال في برنامج من “فورمات عالمي”، وأشارت إلى أنها ظلت متوجسة من حدوث المقلب، ورفضت ميرهان اتهامها بالتنمر على النجمة اللبنانية إليسا أثناء تقليدها في البرنامج.
ميرهان حسين: أعشق إليسا وقدمت حركاتها الخاصة
وأوضحت ميرهان حسين في تصريحات لبرنامج “موبايل جوسيبس”: فيديو تقليد إليسا تحديدا تم تداوله كذا يوم ورا بعض، وعايزة أقول محدش يفتكر إن في تنمر لأن أولا إليسا أنها بعشقها، وهي مميزة بملامحها وشفايفها وابتسامتها وغمازاتها، دي حركات تعبيرية خاصة بها كأنها بصمة بتاعتها.
ميرهان حسين: أشترك مع كيم كاردشيان في لون الشعر والعين
وعن تشبيهها بالموديل العالمية كيم كاردشيان، قالت ميرهان حسين: فيا من كيم كارديشيان الشعر الأسود والعيون السود، وأنا مش بتصور صور جريئة، أنا بتصور صور عادية.
ميرهان حسين: فيروز أصعب شخصية حاولت تقليدها
أشارت ميرهان إلى أن أصعب شخصية حاولت تقليدها كانت المطربة اللبنانية فيروز والمصرية أنغام، وقالت إنها بصدد إعداد فيديوهات خاصة لتقليد النجوم الرجال وقدمت محاولة لتقليد الإعلامي عمو أديب وهو يحسد عمرو دياب.
وأكدت ميرهان حسين: أنا ماعتزلتش إلا لما جالي اكتئاب والناس اللي خلوني أرجع تاني للتمثيل، والله العظيم جالي إحباط من اللي حصل ليا في الوسط، وده اللي خلاني اعتزلت ولكن حب الناس اللي رجعني تاني.
كما نفت ميرهان حسين اعتمادها على الظهور بفساتين مكشوفة على السجادة الحمراء في المهرجانات الفنية، بهدف لفت الأنظار، وقالت: مش لازم فساتين مكشوفة، ممكن حد يلبس حاجة مقفولة ومتحفظة وتبقى حلوة وملفتة للنظر”.
وأضافت: “الفكرة إن الحاجة تبقى حلوة ولايقة على اللي لابسها”.
وردا على سؤال هل تسعى للحصول على استحسان متابعيها بنشر صور مثل صورتها أثناء أداء العمرة، قالت ميرهان حسين: “أنا مش بعمل حاجة علشان أرضي الناس، أنا بشاركهم حاجات من حياتي اليومية”.
وتابعت: “ده وقت ما كنت بعمل عمرة، ونزلت صورة علشان يبقى عندي الذكرى دي والتاريخ إني كنت في الوقت ده في أطهر مكان على وجه الأرض”.
