استدرج الفنان رامز جلال، الثنائي الفنان أحمد مالك والفنانة هدى المفتي للوقوع في مقلب رامز جاب من الآخر سعيا لتحطيم غرورهما كما قال، والمفاجأة أن أحمد مالك حاول طوال الفقرة الأولى الدفاع عن هدي المفتي وحمايتها من الكلب نيوتن أو طلقات رامز جلال ولكنه فشل بالنهاية ورضخا سويا لطلب رامز وأعلنا أنهما “ولا حاجة”.
سخر رامز جلال، من الثنائي أحمد مالك وهدى المفتي في مقدمة برنامجه «رامز جاب من الاَخر»، قائلا: «انهارده معانا ضيفين مختلفين واحدة طالعة في كل الأعمال الفنية ولا كأنها ماسكه على كل المنتجين والمخرجين شيكات، والتاني ولا كأنك جايب ممثل انت جايب سواق ميكروباص، والاتنين مناخيرهم في السما مش عارف ليه بيتعملوا مع كل الناس كده.
وتابع رامز جلال قائلا: معانا اتنين مش هتقدر تطيقهم وبيعاملوك بالشوكة والسكينة وكأنهم من طينة وأنت من طينة، واحدة عايشة على حوارات وعليها إشاعات وجدل، والتاني عامل فيها جان وعاوج لسانه وعامل بلطجي.
أحمد مالك: ممكن أعمل صعيدي مرة أخرى
وفي حواره مع رامز جلال قبل الوقوع في المقلب قال الفنان أحمد مالك: ممكن أعمل صعيدي تاني بعد نسل الأغراب” ورامز جلال يعلق: “دي تبقى كارثة سودة”.
وعن حقيقة غيرته من الفنان أحمد داش، علق مالك: أنا مبسوط لأحمد داش على اللي وصل له، وأنا كمان عملت بطولات زي بيمبو.
وانفعل أحمد مالك على رامز منذ بداية المقلب بسبب مقلب الكلب وانهال عليه بوصلة شتائم حتى يتوقف عن إخافته هو وهدى المفتى ورفض تمام الرضوخ لطلب رامز بقول”انا ولا حاجة”، واندفع مالك للدفاع عن زميلته هدي سواء من هجوم الكلب أو طلقات الرصاص، ولكنه رضخ بالنهاية وقال “إحنا ولا حاجة والملك لله”، وعقبت هدى المفتي:”إحنا ولا حاجة”.
ثم سخر رامز جلال من اهتمام أحمد مالك الزائد بـ هدى المفتي أثناء وقوعهما في المقلب، وقال له: ما هي هادية أنت بتتلكك؟ وسيب إيديها، شكلها هتقلب قصة حب في النفق.
