زيزي عادل تهجرعالم الأضواء والغناء في ربيع شبابها بحثا عن “الثوبة” و “رضا الله”

بشكل مفاجئ وصادم لجمهورها , أعلنت الفنانة المصرية زيزي عادل ونجمة برنامج “ستار أكاديمي 2″في الساعات الأولى من صباح اليوم الثلاثاء اعتزالها عالم الفن ومجال الغناء نهائيا مؤكدة ان هدفها الأول من قرارها هو الابتعاد عن مغريات الحياة والتقرب من الله,وكشفت زيزي عن قرارها بنشرمقطع فيديو عبرحسابها الشخصي على منصة التواصل انستغرام” تشرح فيه أسباب ابتعادها عن عالم الأضواء والشهرة حيث قالت” قررت أسيب مهنة المطربة والقرار أنا مخدتهوش امبارح أنا وخداه من فترة كبيرة جدا، بس يمكن مطلعتش قلت وقتها لأنى كنت حابة أتكلم مع نفسى ومع الناس القريبة أوى.. الناس القريبة منى عارفين نفسهم ولما قلتلهم على القرار شجعونى ودعمونى كمان، ويمكن قرار الاعتزال ده بيبعدنى عن أكتر مغريات الحياة وهى الشهرة والأضواء”,واستطردت حديثها بقولها” أنا ببعد عن الفن عشان بقرب من ربنا، والفترة اللى فاتت قربت من ربنا جدا، ولقيت ان القرآن بيقولى إنى لازم أكون ست ملتزمة، وبحاول على قد ما بقدر أكون ملتزمة وهتستغربوا شوية انى طالعة بشعرى ومش محجبة، ويمكن ده لأنى لسه ربنا لم ينعم عليا بالحجاب، وبدعى ربنا يتممها عليا، وكل حاجة بتيجى خطوة خطوة ومفيش حاجة بتيجى مرة واحدة”,وأشارت إلى أن الفن مصدر دخلها قائلة: “أنا عاوزة أقول كمان الفن هو مصدر دخلى ورزقى، وأنا بسيب حاجة بعيش منها وسيبتها وعارفة إن ربنا هيرزقنى، وأنا راضية جدا عن قرارى ومبسوطة جدا بيه وحابة اللى جاى جدا وحاسة إن حياتى اختلفت تماما”,مضيفة “يمكن لما أخدت القرار تعرضت لمواقف واللى تسمى اختبار من ربنا وكان اختبار صعب والإنسان ضعيف، لأن جالى عرض مجاليش وأنا بمارس مهنة الغناء، ولكن الحمد لله ربنا كرمنا وقدرت ارفض من دعم من ناس حواليا”,وتابعت زيزي عادل”أنا مش عاوزة أدخل في حتة إن الفن حلال والفن حرام، عشان مبقاش طالعة إنى داعية أنا طالعة بتكلم عن نفسى، وإنى بطلت أغنى ودينى بيقولى كده وكل واحد حر في حياته”.
واختتمت زيزي عادل رسالتها الموجهة للجمهوربقولها” “أنا حابة أموت وربنا راضى عنى ويمكن دى حاجة كلنا بنتمناها، فأنا مش عارفة هاموت امتى ولكن كل اللى عوزاه أكون مستعدة لمقابلة ربنا وأقابله وأنا راضية عن نفسى وحياتى وأفعالى، والحمد لله ربنا كرمنى والتزمت، وربنا يكرم التزم اكتر وادعولى ان ربنا يثبتنى على اللى انا فيه”,يذكر ان قرار اعتزال زيزي عادل جاء بعد أيام قليلة من طرحها ألبوما غنائيا دينيا بعنوان “سيبها على الله”عبر قناتها الرسمية على “يوتيوب”حيث ظهرت في الصور الخاصة به بالحجاب، ويتضمن العمل الديني 5 أغنيات وهي: “الذرية الصالحة – أفضل الخلق – يا رحمن يا رحيم – سيبها على الله – زيزي عادل – الطيبون للطيبات”.”.